თბილისის მოქალაქეებს აქვთ შესაძლებლობა მოისმინონ რა გეგმები აქვს კახა კალაძეს მომავალი 4 წლის განმავლობაში. გარემოს დაცვა და შესაბამისი პირობების შექმნა თანამოქალაქეებისთვის, ეს არის რაც წლების განმავლობაში კახა კალაძის მხრიდან კეთდებოდა, - ამის შესახებ საქართველოს პარლამენტის თავმჯდომარემ შალვა პაპუაშვილმა თბილისის მერობის კანდიდატის კახა კალაძის ღონისძიების დასრულების შემდეგ განაცხადა. 

მისი თქმით, თბილისი დღეს შეუდარებელია და ამის უარყოფა არავის შეუძლია.

„დღეს თბილისი შეუდარებელი არის, მისი მდგომარეობა, რაც წლების წინ იყო. ამას მტერი თუ მოყვარე ყველა ხედავს. მათ შორის ვაკვირდებით ჩვენი ოპონენტები ზუსტად კახა კალაძის ხელმძღვანელობით აღდგენილ პარკებში, როგორ დასეირნობენ და ხვდებიან მოქალაქეებს. ესეც აჩვენებს თუ რა წარმატებაა ამ მხრივ.

დღეს იყო საუბარი თუ როგორ მოხდება მომავალი წლების განმავლობაში მწვანე გარემოს და ჩვენი მოქალაქეებისთვის უსაფრთხო გარემოს შექმნა“, - აღნიშნა პაპუაშვილმა.