შალვა პაპუაშვილი: „მომავალი აქვს მას, ვინც იცნობს თავის წარსულს“ - გერმანიის საელჩომ ჰუმბოლდტის ეს სიტყვები გაიმეორა და სცენა სააკაშვილის „ნაცმოძრაობის“ საპარლამენტო სიის მე-8 ნომერს, ირაკლი ხვადაგიანს დაუთმო
„მომავალი აქვს მას, ვინც იცნობს თავის წარსულს“ - გერმანიის საელჩომ ჰუმბოლდტის ეს სიტყვები გაიმეორა და სცენა მიხეილ სააკაშვილის „ნაციონალური მოძრაობის“ საპარლამენტო სიის მე-8 ნომერს (!), ირაკლი ხვადაგიანს დაუთმო, - წერს საქართველოს პარლამენტის თავმჯდომარე შალვა პაპუაშვილი სოციალურ ქსელში.
„ძნელია, წარმოიდგინო იმაზე მეტი ცინიზმი, ვიდრე, წარსულის გააზრებაზე სასაუბროდ სააკაშვილის პროპაგანდისტის და მისი ექსტრემისტული იდეების მიმდევრის მიყვანაა. და ამ ყველაფერს, პარლამენტის საგამოძიებო კომისიაში ადამიანური ტრაგედიების მოსმენის ფონზე, აორგანიზებს უცხოური საელჩო, რომელიც სააკაშვილის რეჟიმის ამ დანაშაულებს არ ხედავს.
მართლაცდა, როგორც ჰუმბოლდტი იტყოდა: „ყველაზე საშიში მსოფლმხედველობა აქვთ მათ, რომელთაც მსოფლიოსთვის არასდროს შეუხედავთ“, - წერს პაპუაშვილი.
