საქართველოს სახელმწიფო უსაფრთხოების სამსახურის უფროსის თანამდებობაზე საქართველოს პარლამენტს ანრი ოხანაშვილის კანდიდატურას წარვუდგენთ, - ამის შესახებ მთავრობის მეთაურმა ირაკლი კობახიძემ ბრიფინგზე განაცხადა. 

საქართველოს უსაფრთხოების სამსახურის თანამდებობაზე საქართველოს პარლამენტს წარვუდგენთ ბატონი ანრი ოხანაშვილის კანდიდატურას. შეგახსენებთ, იუსტიციის მინისტრის თანამდებობის დაკავებამდე ბატონი ანრი ოხანაშვილი წლების მანძილზე იყო საქართველოს პარლამენტის წევრი, იურიდიულ საკითხთა კომიტეტის თავმჯდომარე. ანრი ოხანაშვილი არის სამართლის დოქტორი. მას სადოქტორო დისერტაცია დაცული აქვს გერმანიაში, ბერლინის ჰუმბოლდტის უნივერსიტეტში. საქართველოს პარლამენტის თავმჯდომარესთან და საპარლამენტო უმრავლესობასთან გავლილი კონსულტაციების თანახმად, საქართველოს პარლამენტში ანრი ოხანაშვილის დამტკიცებას ზეგ, მიმდინარე კვირის პარასკევს ეყრება კენჭი,“- განაცხადა პრემიერ-მინისტრმა.