პრემიერ-მინისტრი ეუთოს საპარლამენტო ასამბლეის პრეზიდენტს შეხვდა
საქართველოს პრემიერ-მინისტრი ირაკლი კობახიძე ეუთოს საპარლამენტო ასამბლეის (OSCE PA) პრეზიდენტ პერე ჟოან პონს სამპიეტროს შეხვდა. ინფორმაციას მთავრობის ადმინისტრაცია ავრცელებს.
მხარეებმა საქართველოსა და ეუთოს შორის ორმხრივი თანამშრომლობის დღის წესრიგი განიხილეს. როგორც მთავრობის მეთაურმა აღნიშნა, საქართველო აფასებს ეუთოს მნიშვნელოვან როლს, მათ შორის, კონფლიქტებთან დაკავშირებულ საკითხებში.
შეხვედრისას, ყურადღება დაეთმო ქვეყანაში მიმდინარე პოლიტიკურ პროცესებს, განხორციელებულ საკანონმდებლო ცვლილებებსა და დემოკრატიულ სახელმწიფოში სამართლის უზენაესობის პრინციპის დაცვის აუცილებლობას.
მთავრობის ადმინისტრაციაში გამართულ შეხვედრას საგარეო საქმეთა მინისტრი მაკა ბოჭორიშვილი, მთავრობის ადმინისტრაციის უფროსი ლევან ჟორჟოლიანი და პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე დაესწრნენ.
