1764345391
პოლიტიკა
პაპუაშვილი: მოდი, ყველამ თავის კონსტიტუციას მიხედოს, ნეიტრალური შვეიცარიის საელჩო რომ უადგილოდ აჟიტირდება, მაშინ ნამდვილად უნდა მიხვდე, რომ გეოპოლიტიკურად აღრეულ დროებაში ცხოვრობ
ევროკავშირიდან გასული დიდი ბრიტანეთის შემდეგ, ახლა უკვე ევროკავშირში არასდროს შესული შვეიცარია აღელდა ევროინტეგრაციაზე. მოდი, ყველამ თავის კონსტიტუციას მიხედოს, - ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.
პაპუაშვილი აღნიშნული საქართველოში შვეიცარიის საელჩოს „ფეისბუკის“ გვერდზე გამოქვეყნებულ ბანერს გამოეხმაურა.
„ნეიტრალური შვეიცარიის საელჩო რომ უადგილოდ აჟიტირდება, მაშინ კი ნამდვილად უნდა მიხვდე კაცი, რომ გეოპოლიტიკურად აღრეულ დროებაში ცხოვრობ“, - წერს შალვა პაპუაშვილი.
