პაპუაშვილი: მასპინძელი ხელისუფლების პარტიად მოხსენიებას, უმჯობესი იქნებოდა, თუ ბრიტანეთის ელჩი უპასუხებდა, რატომ აპირებდა ექსტრემისტული დღის წესრიგის „ევრონაცების“ დაფინანსებას

„მასპინძელი ხელისუფლების პარტიად მოხსენიებას და ქართველი ხალხის მიმართ მსგავს შეუფერებელ ლაზღანდარობას, უმჯობესი იქნებოდა, თუ ბრიტანეთის ელჩი უპასუხებდა, რატომ აპირებდა ექსტრემისტული დღის წესრიგის „ევრონაცების“ დაფინანსებას“, - ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს, რითაც დიდი ბრიტანეთის საელჩოს განცხადებას ეხმაურება.
„მასპინძელი ხელისუფლების პარტიად მოხსენიებას და ქართველი ხალხის მიმართ მსგავს შეუფერებელ ლაზღანდარობას, უმჯობესი იქნებოდა, თუ ბრიტანეთის ელჩი საკუთარ ქცევაზე გასცემდა ქართველი ხალხის ლეგიტიმურ კითხვას პასუხს: რატომ აპირებდა ექსტრემისტული დღის წესრიგის მქონე ევრონაცების „ტაბულას“ და ნაცების „გია ჯაფარიძის“ დაფინანსებას, რომელთა გაცხადებული მიზანი თვითმმართველობის არჩევნების ჩაშლაა, ანუ მისივე სიტყვებით რომ ვთქვათ, რომელთა მიზანია „საქართველოს სუვერენიტეტის შესუსტება, შუღლის დათესვა და ქართველი ხალხის ყოველდღიური ცხოვრების შეფერხება“, - წერს საქართველოს პარლამენტის თავმჯდომარე.