1767207795
პოლიტიკა
მაკა ბოჭორიშვილი: ყველაფერი, რაც მთელი წლის განმავლობაში ვიხილეთ, პირდაპირ უკავშირდებოდა ჩვენს ქვეყანაში მშვიდობის შენარჩუნებას
ყველაფერი, რაც მთელი წლის განმავლობაში ვიხილეთ, პირდაპირ უკავშირდებოდა ჩვენს ქვეყანაში მშვიდობის შენარჩუნებას, - ამის შესახებ „ქრონიკასთან“ წლის შემაჯამებელ ინტერვიუში საქართველოს საგარეო საქმეთა მინისტრმა მაკა ბოჭორიშვილმა განაცხადა.
მინისტრის თქმით, საქართველოს წინაშე არსებული გამოწვევები არსად წასულა და ეს გამოწვევები ჯერ ისევ ძალიან ბევრია.
„გამოწვევები არსად წასულა, გამოწვევები არის ძალიან ბევრი. თუ დავაკვირდებით საკმაოდ დინამიკურად ვითარდება საერთაშორისო პოლიტიკა. რა თქმა უნდა ამ ცვალებად სამყაროში, როდესაც ძალიან ბევრი რამ იცვლება ჩვენს გარშემო ძალიან მნიშვნელოვანი იქნება მომავალ წელსაც ფრთხილი საგარეო პოლიტიკის გატარება, ფრთხილი და გამბედავი ამავდროულად“, - აღნიშნა ბოჭორიშვილმა.
