ფრაქცია „ქართული ოცნების“ თავმჯდომარის მოადგილე ლევან მაჭავარიანი ჩეხეთის საელჩოს განცხადებას გამოეხმაურა და აღნიშნა, რომ ასეთი ტიპის განცხადებები არ არის ახალი და ან კიდევ აცდენილი არიან რეალობას. 

„სამწუხაროდ, ჩვენი მოქალაქეებისთვის ასეთი ტიპის განცხადებები უკვე ახალი არ არის. აქ საქმე გვაქვს ან არაკომპეტენტურობასთან ან გამიზნულ მავნებლობასთან. სხვა რა შეგვიძლია ამ ყველაფერს დავუძახოთ, როდესაც  კვლავ მიხეილ სააკაშვილის რეჟიმს უწოდებენ „დემოკრატიის შუქურას“ რეგიონის მასშტაბით. აცდენილები არიან რეალობას, ან სპეციალურად აკეთებენ ამას, მავნებლობენ, რომ რაღაც ტიპის ჟანგბადი მიაწოდონ რადიკალურ  ოპოზიციას, რომელიც განულებულია. 31 მარტის აქციისთვის ემზადებოდნენ ერთი თვის განმავლობაში და კარგად ვიხილეთ აქციაზე თუ როგორი მხარდაჭერა აქვთ“, - აღნიშნავს მაჭავარიანი. 

ცნობისთვის, ჩეხეთის საელჩომ განაცხადა, „სამწუხაროა იმის ხილვა, რომ საქართველო, რომელიც ერთ დროს სამხრეთ კავკასიის დემოკრატიის შუქურა იყო, იხრება ავტორიტარიზმისკენ“.