გვარამიას საქმის დასრულებას ვურჩევდი, მისი საქმე არც სტრასბურგში იყო წასაღები, - ამის შესახებ პარტია „გირჩის“ ლიდერმა და ოპოზიციონერმა დეპუტატმა იაგო ხვიჩიამ განაცხადა. 

მისი თქმით, ნიკა გვარამიას საქმე, თავისი შინაარსით, პოლიტიკურად მოტივირებული იყო, თუმცა დასძენს, რომ  გვარამიას ადგილზე რომ ყოფილიყო, ამ საქმეს არ გაასაჩივრებდა.

„როგორ შეიძლებოდა პოლიტიკური არ ყოფილიყო ნიკა გვარამიას საქმე, „ნაცმოძრაობის“ მთავარი პროპაგანდისტის, რომელიც დაიჭირეს იმ მუხლით, რომლითაც სხვა არავინ არ ზის ციხეში და არც არავინ მჯდარა.

ნიკა გვარამიას ვურჩევდი, რომ ამ საქმის დასრულება სჯობს. ეს საქმე არც სტრასბურგში არ იყო წასაღები. ჩვენ პოლიტიკოსები ვართ და ამ ქვეყანაში უნდა ვცდილობდეთ, სასამართლო ავაწყოთ“, - აცხადებს ხვიჩია. 

შეგახსენებთ, სტრასბურგის სასამართლომ ნიკა გვარამიას სარჩელი განსახილველად არ მიიღო. გვარამიამ 28 მარტს სოციალურ ქსელში დაწერა, რომ მიიღო გადაწყვეტილება, თავისი საქმით „გაეროს ადამიანის უფლებათა კომიტეტში წავიდეს“.