1774504221
პოლიტიკა
ირაკლი ქადაგიშვილი: ე.წ. ლიბერალებისთვის, მიუღებელია ყველაფერი, რაც ქრისტიანობას, სამშობლოს და პატრიოტიზმს უკავშირდება - ახლა განსაკუთრებით გაღიზიანებულები არიან, რადგან დაინახეს ხალხის რეალური დამოკიდებულება ეკლესიისა და პატრიარქის მიმართ
„ჩვენთვის ეს ხომ სიახლე არ არის. ამ ე.წ. ლიბერალებისთვის, ე.წ. მედასავლეთეებისათვის მიუღებელია ის ყველაფერი, რაც ქრისტიანობას, სამშობლოს და პატრიოტიზმს უკავშირდება“, - ამის შესახებ პარლამენტის რეგიონული პოლიტიკისა და თვითმმართველობის კომიტეტის თავმჯდომარემ ირაკლი ქადაგიშვილმა განაცხადა.
„ეკლესიის წინააღმდეგ ბრძოლა მათ ყოველთვის ჰქონდათ გამოცხადებული. ახლა განსაკუთრებით გაღიზიანებულები არიან იქიდან გამომდინარე, რომ დაინახეს ხალხის რეალური რაოდენობა და ხალხის დამოკიდებულება ეკლესიისა და პატრიარქის მიმართ.
ამიტომ მათი ღვარძლით სავსე შეტევები გაგრძელდება ეკლესიაზეც, მეუფე შიოზეც, ნებისმიერ ეკლესიის მსახურზე თუ საერო პირზე, ვინც საქართველოს ეკლესიის სიძლიერეს, ჩვენი ქვეყნის ერისა და ბერის ერთიანობას უჭერს მხარს“, - აცხადებს ქადაგიშვილი.
