1756464243
პოლიტიკა
გიორგი ვოლსკი ოპოზიციაზე: ცალ-ცალკე თუ ერთად, ემსახურებიან ამოცანას, რომ როგორმე საქართველოში ხელისუფლება შეცვალოს მარიონეტულმა ხელისუფლებამ
„ცალ-ცალკე, თუ ერთად, ემსახურებიან ამოცანას, რომ როგორმე საქართველოში ხელისუფლება შეცვალოს მარიონეტულმა ხელისუფლებამ“, - ამის შესახებ საქართველოს პარლამენტის თავმჯდომარის პირველმა მოადგილემ გიორგი ვოლსკიმ განაცხადა.
„მთავარი ამოცანა და მთავარი მიზანი არ იცვლება - ცალ-ცალკე, თუ ერთად, ემსახურებიან ამოცანას, რომ როგორმე საქართველოში ხელისუფლება შეცვალოს მარიონეტულმა ხელისუფლებამ და როგორმე იმ გლობალურ სცენარში ჩაერთოს საქართველო, რომელსაც ჰქვია პროქსი ომი სამხრეთ კავკასიის ტერიტორიაზე.
სხვა იმის იქით არაფერი არ არსებობს. შიგნით ხანდახან ერთმანეთთან შელაპარაკება მოუვათ, მწარე სიტყვებით მოიხსენიებენ ერთმანეთს, მაგრამ მთავარი არის ის ამოცანა, რომლის გარეთ არ უნდა გავიდეს არცერთის ქმედება“, - აცხადებს ვოლსკი.
