„არ მიკვირს რომ ის გაექცა ჯერ თავის თანაგუნდელებს, შემდეგ კი თავის ამომრჩეველს. ეს არის პასუხისმგებლობისგან გაქცეული ადამიანის ერთგვარი ქმედება და ნაბიჯები“, - ამის შესახებ პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილე გიორგი სოსიაშვილმა პარტია „ გახარია საქართველოსთვის“ ლიდერ გიორგი გახარიაზე საუბრისას განაცხადა. 

როგორც სოსიაშვილმა აღნიშნა, „ქართული ოცნებისთვის“ ეს ფაქტი, კიდევ ერთი დასტურია იმის, რომ პარტია „გახარია საქართველოსთვის“ თავმჯდომარე ქვეყნიდან გაიქცა.

„არ მიკვირს რომ ის გაექცა ჯერ თავის თანაგუნდელებს, შემდეგ კი თავის ამომრჩეველს. ეს არის პასუხისმგებლობისგან გაქცეული ადამიანის ერთგვარი ქმედება და ნაბიჯები.

ანგარიშის გახსნა გერმანიის ბანკში, გერმანიასთან გარკვეული ურთიერთობის დაჭერა და სამომავლოდ რაღაც გეგმების დალაგება - ნიშნავს იმას, რომ მას ამოძრავებს ერთადერთი წყურვილი, რომ მომავალში რაღაცნაირად ითამაშონ გარკვეული როლი ამ გარე პატრონების ხელში და ჩაერთონ ჩვენი ქვეყნის გადატრიალების მცდელობაში.

თუმცა, მათი ეს მცდელობა მარცხით დამთავრდება,“ - აცხადებს სოსიაშვილი. 

როგორც „რუსთავი 2“ იტყობინება, არსებული ინფორმაციით, გახარიამ გერმანიაში ბინადრობის ნებართვა მიიღო და უცხოურ ბანკში ანგარიშის გახსნას ელოდება.