თითქოს ერთმანეთს ეჯიბრებიან, ვის უფრო მეტი რესურსი აქვს, რომ დესტრუქციული იყოს, - განაცხადა გადაცემაში „იმედი LIVE“ პარლამენტის თავმჯდომარის პირველმა მოადგილემ გია ვოლსკიმ იმ ოპოზიციონერ პოლიტიკოსებთან დაკავშირებით, რომლებსაც ქვეყნის წინაშე ჩადენილი დანაშაულის საქმეზე დღეს პროკურატურამ ბრალი წაუყენა.

„გენერალურმა პროკურორმა, რაც ჩამოთვალა,ეს ყველაფერი მათ თავად აქვს განცხადებული, თანაც გაცილებით მეტი სიმძიმე აქვთ აღებული საკუთარ თავზე. ერთმანეთს თითქოს ეჯიბრებიან, ვის უფრო მეტი რესურსი აქვს, რომ დესტრუქციული იყოს, ქვეყანას ზიანი და ზარალი მიაყენოს, ომში ჩართვიდან დაწყებული ეკონომიკური ზიანის მიყენებით დამთავრებული“, - განაცხადა გია ვოლსკი.

ცნობისთვის, სახელმწიფოს წინააღმდეგ ჩადენილი დანაშაულების ფაქტებზე მიხეილ სააკაშვილის, გიორგი ვაშაძის, ნიკა გვარამიას, ნიკანორ მელიას, ზურაბ ჯაფარიძის, ელენე ხოშტარიას, მამუკა ხაზარაძისა და ბადრი ჯაფარიძის მიმართ სისხლის სამართლებრივი დევნა დაიწყო.