„ეს უნიათობა, რომლითაც ახლა თავს იმართლებენ, რომ თითქოს ღობე იყო სუსტი და თითქოს, არავინ აპირებდა გადანგრევას, გულისხმობდა ყველაფერს, ისინი პარალელური პროცესების განვითარებას ელოდნენ, პირდაპირ სისხლზე დაიწყეს საუბარი“, - განაცხადა გადაცემაში „იმედის კვირა” პარლამენტის პირველმა ვიცე-სპიკერმა გია ვოლსკიმ, 4 ოქტომბრის დამხობის საქმეზე საუბრისას.

მისი განცხადებით, საქართველოს ხელისუფლების წინააღმდეგ მოქმედებს დიდი პოლიტიკური ძალა, რომლის ინტერესში ევროპაში მიმდინარე პროცესების საქართველოში დივერსიფიცირებაა.

„ადამიანების მობილიზება 4 ოქტომბერს მოახდინეს იმიტომ, რომ რაც შეიძლება მეტი აღმოჩნდეს გისოსებს მიღმა, რათა შემდეგ ჰქონდეთ სასაუბრო იმაზე, რომ საქართველოში არსებობს პოლიტიკური დევნა, მიუხედავად იმისა, რომ ისინი უპირისპირდებიან კანონს. თავადვე აფინანსებენ, პოლიტიკურად უჭერენ მხარს, ჩვენს წინააღმდეგ მოქმედებს დიდი პოლიტიკური ძალა, რომლის ინტერესია ევროპაში მიმდინარე პროცესები მნიშვნელოვანწილად დივერსიფიცირებული იყოს საქართველოსთან მიმართებით, რომ ევროპის მიმართულებით რუსეთის აგრესიის პრევენცია მოახდინონ. ამ დიდ ამოცანაში უნდა განვიხილოთ ეს 4 ოქტომბერი“, - განაცხადა პარლამენტის ვიცე-სპიკერმა.