დავით მათიკაშვილი: ტაქსის მძღოლებისთვის ჯარიმა-საურავების ჩამოწერა ხელს შეუწყობს მათი სოციალური პირობების გაუმჯობესებას და სახელმწიფოს მხრიდან ჰუმანური მოპყრობის კიდევ ერთ ფაქტს წარმოადგენს
სახელმწიფო მუდმივად ცდილობს კონკრეტული გადადგმული ნაბიჯებით მხარში დაუდგეს ჩვენს თანამოქალაქეებს, - განაცხადა საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა ტაქსის მძღოლების ჯარიმა-საურავებისგან გათავისუფლების შესახებ მიღებულ გადაწყვეტილებაზე საუბრისას.
მისივე თქმით, ტაქსის მძღოლებთან მიმართებით პოზიტიური გადაწყვეტილება მიიღეს.
„აღნიშნული გადაწყვეტილება მძღოლებისთვის ჯარიმა-საურავების ჩამოწერას გულისხმობს. ეს ხელს შეუწყობს მათი სოციალური პირობების გაუმჯობესებას და სახელმწიფოს მხრიდან ჰუმანური მოპყრობის კიდევ ერთ ცალსახა ფაქტს წარმოადგენს“, - აღნიშნა დავით მათიკაშვილმა.
ჯარიმა-საურავებისგან გათავისუფლდებიან მძღოლები, რომლებმაც დედაქალაქში ტაქსით მომსახურება შესაბამისი ნებართვის გარეშე ან სანებართვო პირობების დარღვევით განახორციელეს.
