1793783032
პოლიტიკა
დავით მათიკაშვილი: შუა აზიის მიმართულებით საქართველოს პოლიტიკური სწრაფვა მზარდია, ეს ეხება როგორც შუა დერეფნის მნიშვნელოვან პროექტს, ორმხრივ ურთიერთობებს, ასევე, კულტურულ, სოციალურ კავშირებს
პარლამენტის საპროცედურო საკითხთა კომიტეტის თავმჯდომარის დავით მათიკაშვილის განცხადებით, შუა აზიის მიმართულებით საქართველოს პოლიტიკური სწრაფვა მზარდია.
„შუა აზიის მიმართულებით საქართველოს პოლიტიკური სწრაფვა არის მზარდი, ეს ეხება როგორც შუა დერეფნის ძალიან მნიშვნელოვან პროექტს, ორმხრივ ურთიერთობებს, ასევე, კულტურულ, სოციალურ კავშირებს, რომელიც არსებობს ყირგიზეთსა და საქართველოს შორის.
გუშინ ჩვენ გვქონდა შეხვედრა დიასპორის წარმომადგენლებთან, შევხვდით ყირგიზეთის პარლამენტის თავმჯდომარეს და საპარლამენტო დელეგაციას, შეხვედრამ ჩაიარა გულწრფელ ორმხრივ დიალოგში.
ჩვენ გადავწყვიტეთ სამომავლო ურთიერთობების გაღრმავება და პარლამენტის თავმჯდომარემ მოიპატიჟა ყირგიზეთის პარლამენტის თავმჯდომარე საქართველოში“, - აცხადებს მმართველი გუნდის დეპუტატი.
