1772050850
პოლიტიკა
აშშ-ში საქართველოს ელჩი თამარ ტალიაშვილი კონგრესში დონალდ ტრამპის ყოველწლიურ State of the Union გამოსვლას დაესწრო
აშშ-ში საქართველოს საგანგებო და სრულუფლებიანი ელჩი თამარ ტალიაშვილი კონგრესში აშშ-ის პრეზიდენტის დონალდ ტრამპის ყოველწლიურ State of the Union გამოსვლას დაესწრო.
აშშ-ში საქართველოს საელჩოს ფეისბუკგვერდზე აღნიშნულია, რომ პრეზიდენტმა ტრამპმა მიმართა აშშ-ის კონგრესის ორივე პალატას და გასული წლის განმავლობაში განხორციელებულ ეკონომიკურ და სოციალურ რეფორმებსა და საგარეო პოლიტიკის საკითხებზე ისაუბრა.
„სიტყვით გამოსვლისას აშშ-ის პრეზიდენტმა განსაკუთრებული წვლილისთვის ექვსი ადამიანი ღირსების მედლით დააჯილდოვა. პრეზიდენტმა ტრამპმა, ასევე, პატივი მიაგო ჩარლი კირკის ხსოვნას.
აღსანიშნავია, რომ აშშ-ის თანამედროვე ისტორიაში, ეს იყო პრეზიდენტის ერთ-ერთი ყველაზე ხანგრძლივი მიმართვა“, - აღნიშნულია აშშ-ში საქართველოს საელჩოს ფეისბუკგვერდზე.
