1772614535
პარლამენტი
შალვა პაპუაშვილი პარლამენტის საქმიანობის ყოველწლიურ ანგარიშს მომდევნო სასესიო კვირაში წარადგენს
პარლამენტის თავმჯდომარე შალვა პაპუაშვილი პარლამენტის საქმიანობის ყოველწლიურ ანგარიშს მომდევნო სასესიო კვირაში წარადგენს.
„დაანონსებული იყო, რომ პარლამენტის საქმიანობის ყოველწლიური ანგარიშის განხილვა დღეს უნდა გამართულიყო, მაგრამ იქიდან გამომდინარე, რომ სომხეთის პრემიერ-მინისტრი საქართველოში ვიზიტად იმყოფება და მთავრობის წევრებს სამთავრობო კომისიის სხდომა აქვთ, საკითხის განხილვა მომდევნო სასესიო კვირაში გაიმართება“, - განაცხადა პარლამენტის თავმჯდომარემ შალვა პაპუაშვილმა პარლამენტის ბიუროს დღევანდელ სხდომაზე.
პარლამენტის რეგლამენტის თანახმად, პარლამენტის საქმიანობის ყოველწლიურ ანგარიშს პარლამენტი განიხილავს კანონპროექტის პირველი მოსმენით განხილვისთვის დადგენილი წესით.
