ზელენსკი: უკრაინული მხარე ყურადღებით აკვირდება და აფიქსირებს რუსების ყველა მცდელობას, შეარყიოს ჩვენი ურთიერთობები პარტნიორებთან
უკრაინის პრეზიდენტმა ვოლოდიმირ ზელენსკიმ განაცხადა, რომ ჩვენ ვემზადებით, წინ აღვუდგეთ რუსეთის მცდელობებს, გააფუჭოს უკრაინის ურთიერთობები პარტნიორებთან.
„ჩვენ ყურადღებით ვაკვირდებით და ვაფიქსირებთ რუსების ყველა მცდელობას, შეარყიონ ჩვენი ურთიერთობები პარტნიორებთან. ჩვენ ვხედავთ, რომელ ლობისტებს იყენებს მოსკოვი, ვისი მეშვეობით ცდილობს მოქმედებას, რომელი შიდა ოპერაციების დაწყებას ცდილობს უკრაინასა და ევროპაში. ჩვენი რეაქცია ხელშესახები იქნება - ჩვენი სპეცსამსახურების, ჩვენი სადაზვერვო სააგენტოების, ჩვენს პარტნიორებთან პოლიტიკური თანამშრომლობისა და, კერძოდ, სანქციების მეშვეობით.
მნიშვნელოვანია, რომ აშშ-ის კონგრესმა კვლავ აამოქმედოს რუსეთის წინააღმდეგ უფრო მკაცრი სანქციები - რუსული ნავთობის მიმართ. ამან ნამდვილად შეიძლება იმუშაოს. მადლობას ვუხდი ყველას, ვინც გვეხმარება“, - ხაზგასმით აღნიშნა მან.
