ზელენსკი: უკრაინამ და ევროკავშირმა დაასრულეს სამშვიდობო გეგმაზე მუშაობა და მზად არიან წარუდგინონ ის აშშ-ს
უკრაინამ და ევროკავშირმა დაასრულეს სამშვიდობო გეგმაზე მუშაობა და მზად არიან, უახლოეს მომავალში დოკუმენტი შეერთებულ შტატებს გაუგზავნონ, - ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
„ძალიან აქტიურად ვმუშაობთ ომის დასასრულებლად შესაძლო ნაბიჯების ყველა კომპონენტზე. უკრაინული და ევროპული კომპონენტები უკვე მეტად არის შემუშავებული, და მზად ვართ ისინი ამერიკაში პარტნიორებს გადავცეთ“, - აღნიშნა პრეზიდენტმა.
ზელენსკიმ ხაზგასმით აღნიშნა, რომ უკრაინა მზადაა, უახლოეს მომავალში აშშ-ს გადაუგზავნოს საბოლოო დოკუმენტები.
„ჩვენ დაინტერესებულნი ვართ რეალური მშვიდობით და მუდმივ კავშირზე ვართ ამერიკასთან. და როგორც ჩვენი მოლაპარაკებათა ჯგუფის პარტნიორები სამართლიანად აღნიშნავენ, ყველაფერი დამოკიდებულია იმაზე, მზად არის თუ არა რუსეთი, გადადგას ეფექტური ნაბიჯები სისხლის ღვრის შესაჩერებლად და ომის ხელახლა დაწყების თავიდან ასაცილებლად“, - დასძინა უკრაინის ლიდერმა.
