უკრაინა ახალ საზღვაო სტრატეგიაზე მუშაობს, რომელსაც მალე ეროვნული უსაფრთხოებისა და თავდაცვის საბჭო დაამტკიცებს. შესაბამისი განცხადება მან ვიდეომიმართვის დროს გააკეთა.

„ჩვენ ვმუშაობთ ახალ სტრატეგიაზე ჩვენი სახელმწიფოსთვის ზღვაზე - უკრაინის საზღვაო სტრატეგიაზე. მალე ეს სტრატეგია ეროვნული უსაფრთხოებისა და თავდაცვის საბჭოში დამტკიცდება, ამჟამად კი მისი პუნქტების დასრულება მიმდინარეობს.

ნათლად გვესმის, რომ ომმა ჩვენს მთელ შავი ზღვის რეგიონში ძალთა ბალანსი შეცვალა და რუსული ფლოტი ამ აკვატორიაში აღარასოდეს გაბატონდება“, - განაცხადა უკრაინის სახელმწიფო მეთაურმა.

ზელენსკიმ დასძინა, რომ ეს სტრატეგია გააძლიერებს უკრაინის ინტერესებს, ითვალისწინებს ახალ ტექნოლოგიურ შესაძლებლობებს და პარტნიორებთან ურთიერთობას.

„ახლა უკრაინა ყოველთვის იქნება სახელმწიფო, რომელსაც შეუძლია, დაიცვას საკუთარი ინტერესები ზღვაზე, სატრანსპორტო არტერიები და ჩვენი მოკავშირეებისა და პარტნიორების ინტერესები“, - აღნიშნა უკრაინის პრეზიდენტმა.