უკრაინის პრეზიდენტმა ვოლოდიმირ ზელენსკიმ აღიარა, რომ ირანთან ომის გამო, ტრამპის ადმინისტრაცია და მისი მომლაპარაკებლები აღარ არიან ორიენტირებულნი რუსეთ-უკრაინის ომზე მოლაპარაკებებზე.

ზელენსკის განცხადებით, აშშ-ს პრეზიდენტის მთელი ადმინისტრაციის ყურადღება ახლა ირანისკენ არის მიმართული.

„ისინი ხაზზე არიან ირანთან და ამიტომ დრო აღარ აქვთ უკრაინისთვის“, - აცხადებს უკრაინის პრეზიდენტი. 

ზელენსკი აცხადებს, რომ აშშ-სა და მოსკოვს შორის დიპლომატიური ურთიერთობა ბევრად უფრო კონსტრუქციულია, ვიდრე ევროპასთან და ამ დრომდე, რთულია ევროპული ქვეყნების ჩართვა რუსეთ-უკრაინის ომთან დაკავშირებული მოლაპარაკებების პროცესში.

„ეს რთულია, მაგრამ აუცილებელია, თუმცა მე ვერ ვხედავ აშშ-სგან სიგნალს იმისა, რომ მათ ეს სურთ“, - აღნიშნა ზელენსკიმ.

რაც შეეხება ტრამპის პოზიციას უკრაინაში მიმდინარე ომთან დაკავშირებით ზელენსკი აცხადებს, რომ აშშ-ს პრეზიდენტი არც უკრაინის და არც რუსეთის მხარესაა „ის სადღაც შუაშია“.