ზელენსკი სირიაში თურქეთის სამთავრობო თვითმფრინავით ჩავიდა და ალ-შარაას შეხვდა
უკრაინის პრეზიდენტი ვოლოდიმირ ზელენსკი სირიაში პირველი ოფიციალური ვიზიტით ჩავიდა, სადაც თავის სირიელ კოლეგას აჰმედ ალ-შარაას შეხვდა.
უკრაინული მედიის ცნობით, ზელენსკი სირიაში თურქეთის სამთავრობო თვითმფრინავით ჩავიდა. უკრაინის პრეზიდენტმა სოციალურ ქსელში დამასკოში ჩასვლის ამსახველი ვიდეო გამოაქვეყნა, რომელშიც ჩანს, თუ როგორ გამოდის ის თვითმფრინავიდან, რომელსაც აწერია „თურქეთის რესპუბლიკა“.
თურქული მედიის ინფორმაციით, ეს მართლაც თურქეთის სამთავრობო თვითმფრინავია - თურქეთის საგარეო საქმეთა მინისტრი ჰაკან ფიდანი სირიაში იმავე დღეს ჩავიდა.
„ჩვენ ვაგრძელებთ აქტიურ უკრაინულ დიპლომატიას ნამდვილი უსაფრთხოებისა და ეკონომიკური თანამშრომლობის მიზნით. მნიშვნელოვანი შეხვედრები გველის წინ - მომზადებულია რამდენიმე მნიშვნელოვანი ფორმატი. ყველა ერი, ყველა რეგიონი იმსახურებს მშვიდობიან ცხოვრებას“, - დაწერა ზელენსკიმ.
სირიელ კოლეგასთან შეხვედრის შემდეგ კი უკრაინის პრეზიდენტმა განაცხადა, რომ სირიას სურსათის მომარაგებისა და უსაფრთხოების საკითხებში თანამშრომლობა შესთავაზა.
„დიდი ინტერესია სამხედრო და უსაფრთხოების სფეროებში გამოცდილების გაზიარების მიმართ. ჩვენ ასევე შევეხეთ უკრაინის, როგორც საკვების საიმედო მიმწოდებლის როლს და განვიხილეთ ერთობლივი შესაძლებლობები მთელ რეგიონში სურსათის უვნებლობის გასაძლიერებლად. ჩვენ კარგად გვესმის ენერგეტიკული და ინფრასტრუქტურული გამოწვევები, რომელთა წინაშეც სირია ამჟამად დგას. ჩვენ მზად ვართ, ერთად ვიმუშაოთ ჩვენი სახელმწიფოებისა და ხალხების შესაძლებლობების გასაძლიერებლად“, - დაწერა ზელენსკიმ.
Today in Damascus. We continue our active Ukrainian diplomacy aimed at real security and economic cooperation. Important meetings lie ahead – several substantive formats have been prepared. Every nation and every region deserves a peaceful life. pic.twitter.com/2uMYI7PeGA
— Volodymyr Zelenskyy / Володимир Зеленський (@ZelenskyyUa) April 5, 2026
Talks with the President of Syria, Ahmed al-Sharaa @AH_AlSharaa.
— Volodymyr Zelenskyy / Володимир Зеленський (@ZelenskyyUa) April 5, 2026
We agreed to work together to bring greater security and more opportunities for development to our societies. We discussed the situation in the region and the prospects for changing it for the better. We also went… pic.twitter.com/BxUoEVNmFW
