1750785997
უცხოეთი
ზელენსკი: რუსეთი ნატოს ტერიტორიაზე სამხედრო ოპერაციებს გეგმავს
„რუსეთი ნატოს ქვეყნების ტერიტორიაზე ახალი სამხედრო ოპერაციების ჩატარებას გეგმავს,“ - ამის შესახებ უკრაინის პრეზიდენტმა ვოლოდიმირ ზელენსკიმ ჰააგაში განაცხადა.
„ჩვენი დაზვერვა ამას ადასტურებს. რუსეთი ნატოს ტერიტორიაზე ახალ სამხედრო ოპერაციებს გეგმავს “, - აღნიშნა ზელენსკიმ.
ზელენსკის განცხადებით, დასავლეთის ქვეყნებმა უკრაინაში პუტინი უნდა შეაჩერონ, რადგან კრემლის ლიდერის მიზანი უკრაინის საზღვრებს სცილდება.
შეგახსენებთ, მანამდე კი, ნატოს გენერალურმა მდივანმა მარკ რუტემ თქვა, რომ რუსეთი, შესაძლოა, 5 წელიწადში მზად იყოს ნატოზე თავდასხმისთვის.
მისი თქმით, რუსეთი ჩინეთის დახმარებით აღადგენს თავის შეიარაღებულ ძალებს და იარაღს უფრო სწრაფად აწარმოებს.
თავის მხრივ, რუსეთის პრეზიდენტმა ალიანსის ლიდერის ბრალდებები უარყო.
