უკრაინა აგრძელებს თავისი დამოუკიდებლობისა და მიწის ბრძოლით დაცვას - ფრონტის ხაზზე არსებული ვითარება და რუსული არმიის რეალური აქტივობა ადასტურებს, რომ რუსეთზე მიმდინარე გლობალური ზეწოლა არასაკმარისია ამ ომის დასასრულებლად, - ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.

ზელენსკის თქმით, მალე ორმოცდაათი დღე გავა მას შემდეგ, რაც რუსეთმა უგულებელყო შეერთებული შტატების წინადადება, სრული და უპირობო ცეცხლის შეწყვეტის შესახებ.

„მთავარსარდალმა ალექსანდრე სირსკიმ, ფრონტის ხაზზე არსებული ვითარების შესახებ განახლებული ინფორმაცია მოგვაწოდა. მრავალი მიმართულებით, სიტუაცია კვლავ რთული რჩება.

მხოლოდ შუადღისთვის, ჩვენს პოზიციებზე უკვე თითქმის 70 რუსული თავდასხმა განხორციელდა. ბრძოლები გრძელდება...

უკრაინა თავისი დამოუკიდებლობისა და მიწის დაცვას ბრძოლით აგრძელებს. ფრონტის ხაზზე არსებული ვითარება და რუსული არმიის რეალური აქტივობა ადასტურებს, რომ ამ ომის დასასრულებლად, რუსეთზე მიმდინარე გლობალური ზეწოლა არასაკმარისია. მალე 50 დღე შესრულდება მას შემდეგ, რაც რუსეთმა ცეცხლის სრული და უპირობო შეწყვეტის შესახებ აშშ-ის წინადადება უგულებელყო.

რეალური დიპლომატიისთვის მეტი შესაძლებლობების შესაქმნელად რუსეთზე უფრო ხელშესახები ზეწოლაა საჭირო. მადლობას ვუხდი მსოფლიოში ყველას, ვინც უკრაინის გვერდით დგას“, - წერს ზელენსკი. 

Commander-in-Chief Oleksandr Syrskyi provided an update on the frontline situation. In many directions, the situation remains difficult.

By midday alone, there have already been nearly 70 Russian assaults on our positions. Fighting continues. The occupier continues its offensive…

— Volodymyr Zelenskyy / Володимир Зеленський (@ZelenskyyUa) April 27, 2025