ზელენსკი: ხალხს სჭირდება აღდგომა საფრთხის გარეშე და რეალური სვლა მშვიდობისკენ, რუსეთს კი აქვს შანსი, აღდგომის შემდეგ დარტყმები აღარ განაახლოს
უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინა მზადაა გადადგას სარკისებური ნაბიჯები მას შემდეგ, რაც კრემლმა აღდგომის დღესასწაულებისთვის „ზავი“ გამოაცხადა.
10 აპრილის გვიან საღამოს კრემლმა გამოაცხადა რუსეთის პრეზიდენტის ვლადიმერ პუტინის გადაწყვეტილება „სააღდგომო ზავის“ შემოღების შესახებ. განცხადების თანახმად, ის ძალაში შევა 11 აპრილის 16:00 საათიდან 12 აპრილის დღის ბოლომდე.
„უკრაინამ არაერთხელ განაცხადა, რომ მზად ვართ სარკისებური ნაბიჯებისთვის. ჩვენ წელს აღდგომის დღესასწაულებზე ცეცხლის შეწყვეტის შესახებ შევთავაზეთ და შესაბამისად ვიმოქმედებთ“, - დაწერა მან თავის Telegram არხზე.
სახელმწიფოს მეთაურმა ხაზგასმით აღნიშნა, რომ ხალხს სჭირდება აღდგომა საფრთხის გარეშე და რეალური სვლა მშვიდობისკენ.
გარდა ამისა, ზელენსკის თქმით, რუსეთს აქვს შანსი, აღდგომის შემდეგ დარტყმები აღარ განაახლოს.
