უკრაინის პრეზიდენტის ვოლოდიმირ ზელენსკის განცხადებით, მოქმედი დეპუტატისა და უკრაინის უმაღლესი რადას ყოფილი თავმჯდომარის ანდრეი პარუბის მკვლელობა საგულდაგულოდ იყო მომზადებული. 

ზელენსკის თქმით, პარუბის მკვლელობასთან დაკავშირებით სამართალდამცავი ორგანოების თანამშრომლები რეგულარულად აბარებენ ანგარიშს - შინაგან საქმეთა მინისტრსა და გენერალურ პროკურორს.

„ისინი იძიებენ ანდრეი პარუბის მკვლელობის გარემოებებს. სამწუხაროდ, დანაშაული საგულდაგულოდ იყო მომზადებული. თუმცა, ყველაფერი კეთდება ამ დანაშაულის გამოსაძიებლად“, - აცხადებს პრეზიდენტი ზელენსკი. 

30 აგვისტოს, ლვოვში უკრაინის უმაღლესი რადას ყოფილი თავმჯდომარე ანდრეი პარუბი მოკლეს.

უკრაინული მედიის ცნობით, პარლამენტის მოქმედ წევრსა და მე-8 მოწვევის პარლამენტის სპიკერს, ანდრეი პარუბის 5-ჯერ ესროლეს.

პარუბი მიყენებული ჭრილობების შედეგად ადგილზე გარდაიცვალა.

ანდრეი პარუბი უკრაინის უმაღლესი რადას თავმჯდომარე 2016 წლის 14 აპრილიდან 2019 წლის 28 აგვისტომდე იყო. ასევე იყო მე-6, მე-7 და მე-8 მოწვევების პარლამენტის წევრი.