1765977693
უცხოეთი
ზაპოროჟიეზე რუსული ძალების იერიშის შედეგად დაშავებული ადამიანების რიცხვი 26-მდე გაიზარდა
ზაპოროჟიეს ოლქის ადმინისტრაციის ხელმძღვანელის ივან ფიოდოროვის განცხადებით, რუსული ძალების მიერ ზაპოროჟიეში, საცხოვრებელ შენობებზე საჰაერო დარტყმის შედეგად დაშავებული ადამიანების რიცხვი 26-მდე გაიზარდა.
მანამდე კი, ფიოდოროვმა გაავრცელა ინფორმაცია, რომლის თანახმადაც რუსებმა ზაპოროჟიეში საცხოვრებელ მაღალსართულიან შენობებზე იერიშის მისატანად ავიაბომბები გამოიყენეს.
ამასთან, ზაპოროჟიეს საქალაქო საბჭოს ცნობით, რუსების იერიშის შედეგად 130-ზე მეტი საცხოვრებელი ბინა დაზიანდა.
