1728137107
უცხოეთი
Washington Post: ბაიდენმა საპრეზიდენტო არჩევნებში დაბრუნებაზე იხუმრა
აშშ-ის პრეზიდენტმა ჯო ბაიდენმა საპრეზიდენტო არჩევნებში დაბრუნებაზე იხუმრა. ამის შესახებ Washington Post-ი იტყობინება.
თეთრ სახლში გამართულ ღონისძიებაზე ერთ-ერთმა ჟურნალისტმა ჯო ბაიდენს ჰკითხა, აპირებს თუ არა რომ საპრეზიდენტო არჩევნებთან დაკავშირებით მიღებულ გადაწყვეტილებას გადახედოს.
როგორც მედიასაშუალება წერს, ბაიდენმა ჟურნალისტს ხუმრობით უპასუხა, რომ საპრეზიდენტო არჩევნების რბოლას უბრუნდება.
„მე ვბრუნდები“, - უპასუხა ბაიდენმა და გაიცინა.
ჯო ბაიდენმა საპრეზიდენტო არჩევნებიდან გასვლის შესახებ ივლისში განაცხადა. მან „დემოკრატებიდან“ საპრეზიდენტო კანდიდატს, ვიცე-პრეზიდენტ კამალა ჰარისს დაუჭირა მხარი.
