„სრულიად რეალურია, უახლოეს დღეებში ნაბიჯების ბოლომდე შემუშავება, რათა განვსაზღვროთ, როგორ დავასრულოთ ღირსეულად ომი“, - განაცხადა უკრაინის პრეზიდენტმა ტრადიციულ ვიდეომიმართვაში. ვოლოდიმირ ზელენსკის თქმით, უკრაინულ დელეგაციას ამერიკულ მხარესთან მოსალაპარაკებლად საჭირო დირექტივები აქვს მიცემული.

„უკრაინის დელეგაცია დღეს საღამოს, უკვე, შეერთებულ შტატებში უნდა იყოს. ჟენევის მოლაპარაკების პუნქტებზე დაფუძნებული დიალოგი გაგრძელდება. დიპლომატია კვლავ აქტიურია. ამერიკული მხარე კონსტრუქციულ მიდგომას ავლენს და უახლოეს დღეებში შესაძლებელი იქნება იმ ნაბიჯების დაკონკრეტება, თუ როგორ მივიყვანოთ ომი ღირსეულ დასასრულამდე. უკრაინულ დელეგაციას აქვს საჭირო დირექტივები და ველოდებით, რომ წარმომადგენლები უკრაინის მკაფიო პრიორიტეტების შესაბამისად იმუშავებენ“, - განაცხადა ზელენსკიმ.

ცნობისთვის, უკრაინული დელეგაცია ამერიკულ მხარესთან მოლაპარაკებებს ფლორიდაში გამართავს. შეხვედრაში მონაწილეობას ტრამპის სპეციალური წარმომადგენელი სტივ უიტკოფი, სიძე ჯარედ კუშნერი და სახელმწიფო მდივანი მარკო რუბიო მიიღებენ.