ვოლოდიმირ ზელენსკი დონალდ ტრამპის წარმომადგენლებს ტელეფონით ესაუბრა
უკრაინის პრეზიდენტმა ვოლოდიმირ ზელენსკიმ აშშ-ის პრეზიდენტის დონალდ ტრამპის წარმომადგენლებთან - სტივ უიტკოფთან და ჯარედ კუშნერთან სატელეფონო საუბარი გამართა. ეს ინფორმაცია ჟურნალისტებს უკრაინის პრეზიდენტის მრჩეველმა დიმიტრი ლიტვინმა დაუდასტურა.
როდესაც ლიტვინს ჰკითხეს, სიმართლეს შეესაბამებოდა თუ არა ზელენსკის, უიტკოფისა და კუშნერის საუბრის შესახებ გავრცელებული ცნობები, მან უპასუხა, რომ მათ საუბარი „ახლახან დაასრულეს“.
თავდაპირველად სატელეფონო საუბრის გამართვის შესახებ ინფორმაცია Axios-ის კორესპონდენტმა ბარაკ რავიდმა თავის წყაროებზე დაყრდნობით გაავრცელა და აღნიშნა, რომ საუბრის თემა „ომის დასრულების დიპლომატიური ძალისხმევა“ იყო.
Ukrainian president Zelensky spoke today with President Trump's envoys @SteveWitkoff and @jaredkushner and discussed ideas for how to resume diplomatic efforts for ending the war, per source familiar
— Barak Ravid (@BarakRavid) July 22, 2026
