უკრაინის პრეზიდენტი ვოლოდიმირ ზელენსკი შეერთებულ შტატებში ჩავიდა, სადაც ის ამერიკელ კოლეგასთან დონალდ ტრამპთან შეხვედრას გეგმავს. ამის შესახებ უკრაინის პრეზიდენტმა სოციალურ ქსელ X-ზე დაწერა. 

ზელენსკიმ აღნიშნა, რომ ვიზიტის დროს მისი მთავარი პრიორიტეტებია ბალისტიკური რაკეტების საწინააღმდეგო საშუალებები და სტრატეგიული თანამშრომლობა უკრაინასა და შეერთებულ შტატებს შორის.

„უკვე ამერიკის შეერთებულ შტატებში ვარ. გრაფიკი მოიცავს შეხვედრებს პრეზიდენტ ტრამპთან, მის გუნდთან და მათთან, ვისაც შეუძლია ჩვენი თავდაცვის მხარდაჭერა. ნომერ პირველი პრიორიტეტია რაკეტსაწინააღმდეგო თავდაცვა და სტრატეგიული თანამშრომლობა ამერიკასთან. მშვიდობა უნდა დაახლოვდეს“, - ხაზგასმით აღნიშნა მან.

ზელენსკიმ ასევე დაადასტურა, რომ ის დაესწრება სენატორ ლინდსი გრეჰემის დაკრძალვას, რათა პატივი მიაგოს მის ხსოვნას „მთელი უკრაინის სახელით“ და გაიხსენოს მისი ძალისხმევა „ევროატლანტიკურ რეგიონსა და მსოფლიოს სხვა რეგიონებში უსაფრთხოებისა და თავისუფლებისთვის“.

I have already arrived in the United States. Our schedule includes meetings with President Trump, his team, and those who can support our defense. Our number-one priority is anti-ballistic defense and strategic cooperation with America. Peace needs to be brought closer.

Of… pic.twitter.com/jcsLCFetwk

— Volodymyr Zelenskyy / Володимир Зеленський (@ZelenskyyUa) July 28, 2026