უკრაინის პრეზიდენტმა ვოლოდიმირ ზელენსკიმ სატელეფონო საუბარი გამართა ჩეხეთის საპარლამენტო არჩევნებში გამარჯვებული პარტიის ლიდერთან ანდრეი ბაბიშთან, რომელიც უკრაინას სამხედრო მხარდაჭერის შეწყვეტით დაემუქრა. 

როგორც ზელენსკიმ Facebook-ზე დაწერა, უკრაინა აფასებს ჩეხეთის რესპუბლიკასთან სტრატეგიულ პარტნიორობას და მადლიერია უკრაინისა და უკრაინელების მხარდაჭერისთვის ამ რთულ დროს.

„ჩვენ ვმუშაობთ იმაზე, რომ ჩვენს ქვეყნებს შორის თანამშრომლობა კიდევ უფრო პროდუქტიული გახდეს“, - ხაზგასმით აღნიშნა პრეზიდენტმა.

როგორც სახელმწიფოს მეთაურმა დაწერა, მან ბაბიშს გამარჯვება მიულოცა და წარმატებები უსურვა.

„ბატონმა ანდრეიმ შეაქო უკრაინელი ხალხის გამბედაობა რუსული აგრესიის წინააღმდეგ ბრძოლაში“, - დასძინა ზელენსკიმ.

გარდა ამისა, უკრაინის პრეზიდენტმა ბაბიშს მიაწოდა ინფორმაცია შეერთებულ შტატებთან, ევროპასთან და სხვა ქვეყნებთან ერთად სამართლიანი მშვიდობის მისაღწევად დიპლომატიური ძალისხმევის, ასევე დიპლომატიაში არსებული ზოგადი მდგომარეობის შესახებ.

„ჩვენ შევთანხმდით, რომ უახლოეს მომავალში პირადი შეხვედრის დროს ჩვენი შემდგომი თანამშრომლობის საკითხებს განვიხილავთ“, - აღნიშნა ზელენსკიმ.

ამავდროულად, ბაბიშმა სოციალურ ქსელ X-ზე დაადასტურა ზელენსკისთან საუბარი, უკრაინის მიმართ მხარდაჭერა და ომის სწრაფად დასრულების იმედი გამოთქვა.

„ჩვენ სამჯერ შევხვდით წარსულში, ბოლოს კიევში 2019 წლის ნოემბერში. მოხარული ვარ, რომ დამიკავშირდა და ამიხსნა არსებული სიტუაცია. მე გამოვხატე ჩვენი მხარდაჭერა და სურვილი, რომ ომი რაც შეიძლება მალე დასრულდეს. ასევე შევთანხმდით, რომ თუ ყველაფერი კარგად იქნება, მომავალ წელს უკრაინას ვესტუმრები და ყველაფერს პირადად განვიხილავთ“, - ხაზგასმით აღნიშნა ბაბიშმა.

Právě jsem hovořil s ukrajinským prezidentem @ZelenskyyUa, v minulosti jsme se setkali už třikrát, naposledy v listopadu 2019 v Kyjevě. Jsem rád, že mě kontaktoval a popsal mi aktuální situaci. Vyjádřil jsem mu naši podporu a přání, aby válka co nejdříve skončila. Také jsme se…

— Andrej Babiš (@AndrejBabis) October 9, 2025