ვიქტორ ორბანი: ფულის მიცემა ნიშნავს ომს, არ მსურს, ევროპაში ომში ვიხილო
უნგრეთის პრემიერ-მინისტრმა ვიქტორ ორბანმა განაცხადა, რომ ის არ უჭერს მხარს უკრაინისთვის რეპარაციების სესხის გაცემას, რადგან ეს ევროკავშირის ომში ჩართვას ნიშნავს.
როდესაც ჰკითხეს, თუ რატომ ეწინააღმდეგებოდა ის უკრაინისთვის რეპარაციების სესხის გაცემას, ორბანმა განაცხადა, რომ მას არ სურდა ევროპაში ომის ხილვა და დასძენს, რომ „ფულის გაცემა ომს ნიშნავს“.
„მე უბრალოდ მშვიდობისთვის ვმუშაობ. ჩვენ უნდა გადავდგათ ნაბიჯები მშვიდობისკენ და არა ომისკენ“, - განაცხადა მან კითხვაზე პასუხის გაცემისას, თუ ვის ინტერესებს ემსახურება ის: ევროპის თუ მოსკოვის.
„ორი ქვეყანა ერთმანეთთან ომშია, ეს არ არის ევროკავშირი, ეს რუსეთი და უკრაინაა და ვიღაცას, ანუ ევროკავშირს სურს, აიღოს თანხა, ომში მყოფი ერთ-ერთი მხარის ფული და მისცეს მეორეს. ეს ომში პირდაპირი ჩართვაა. ასე რომ, ბელგიის პრემიერ-მინისტრი მართალია. ჩვენ არ უნდა გავაკეთოთ ეს“, - აღნიშნა ორბანმა.
