უკრაინა და რუსეთი „სტამბოლის ფორმატის“ ფარგლებში პატიმრების გაცვლის შესახებ მოლაპარაკებებს განაახლებენ, - ამის შესახებ ეროვნული უშიშროებისა და თავდაცვის საბჭოს მდივანმა რუსტემ უმეროვმა განაცხადა.

„უკრაინის პრეზიდენტის დავალებით, თურქეთისა და არაბთა გაერთიანებული საამიროების პარტნიორების შუამავლობით ჩავატარე კონსულტაციები გაცვლის პროცესის აღდგენისა და ჩვენი ხალხის რუსული ტყვეობიდან გათავისუფლების შესახებ. ამ მოლაპარაკებების შედეგად, მხარეები შეთანხმდნენ სტამბოლის შეთანხმებების გააქტიურებაზე“, - აღნიშნა მან.

უმეროვის თქმით, საქმე უკრაინის 1 200 მოქალაქის გათავისუფლებას ეხება.

მისივე განცხადებით, უახლოეს მომავალში ტექნიკური კონსულტაციები გაიმართება, რამაც პროცედურული და საორგანიზაციო მომენტები უნდა დაამტკიცონ.

„ტექნიკური კონსულტაციები უახლოეს მომავალში გაიმართება. ჩვენ შეუფერხებლად ვმუშაობთ, რათა უკრაინელებმა, რომლებიც ტყვეობიდან უნდა დაბრუნდნენ, ახალი წლისა და შობის დღესასწაულები სახლში - ოჯახურ სუფრასთან და ნათესავებთან ერთად აღნიშნონ“, - დასძინა ეროვნული უსაფრთხოებისა და დემოკრატიული განვითარების საბჭოს მდივანმა.