უკრაინის თავდაცვის ძალები რუსეთის ტერიტორიის სიღრმეში ახალი დარტყმების განსახორციელებლად ემზადებიან, - ამის შესახებ პრეზიდენტმა ვოლოდიმირ ზელენსკიმ განაცხადა უკრაინის შეიარაღებული ძალების მთავარსარდლის, ალექსანდრ სირსკის მოხსენების შემდეგ.

„ჩვენ დეტალურად გავაანალიზეთ ზაპოროჟიეს მიმართულებით არსებული ვითარება და ოკუპანტის განზრახვები. ასევე, სუმის ოლქისა და ხარკოვის ოლქის სასაზღვრო რაიონებში არსებული ვითარება. ჩვენ გავაგრძელებთ აქტიურ მოქმედებებს ზუსტად ისე, როგორც საჭიროა უკრაინის დასაცავად. ასევე, დაგეგმილია ახალი დარტყმები“, - ხაზი აღნიშნა ზელენსკიმ.

როგორც პრეზიდენტმა აღნიშნა, სირსკის მოხსენება, პირველ რიგში, პოკროვსკის მიმართულებას ეხებოდა, სადაც რუსული არმია უდიდეს ძალისხმევას ამახვილებს და, შესაბამისად, უდიდეს დანაკარგებს განიცდის.

„ჩვენი დანაყოფები დონეცკის რეგიონში დაკისრებული ამოცანების შესრულებას და ოკუპანტის განადგურებას აგრძელებენ. სულ რაღაც რვა თვეში, წელს, რუსებმა ფრონტზე 290 000-ზე მეტი ჯარისკაცი დაკარგეს, რომლებიც მოკლეს და მძიმედ დაიჭრნენ. მათ ყველაზე დიდი დანაკარგები დონეცკის რეგიონში განიცადეს“, - განაცხადა ზელენსკიმ.