1756806943
უცხოეთი
უკრაინულმა ძალებმა პოკროვსკის მახლობლად კიდევ ერთი დასახლება გაათავისუფლეს
უკრაინულმა ძალებმა დონეცკის ოლქში უდაჩნოეს დასახლება გაათავისუფლეს, - აღნიშნულის შესახებ ინფორმაციას უკრაინის შეიარაღებული ძალები ავრცელებს.
„თავდაცვის ძალებმა სოფელში უკრაინის დროშა აღმართეს“, - აღნიშნულია ინფორმაციაში.
უკრაინულმა ძალებმა ასევე გამოაქვეყნეს ვიდეო, სადაც ნაჩვენებია სოფლის თავზე დროშის აღმართვის კადრები, ასევე კადრები, სადაც ნაჩვენებია რუსული პოზიციის ყუმბარმტყორცნით განადგურება.
ინფორმაციისთვის, უდაჩნოეს დასახლება პოკროვსკის სამხრეთ-დასავლეთით, დონეცკისა და დნეპროპეტროვსკის ოლქების ადმინისტრაციულ საზღვართან ახლოს მდებარეობს.
