1767005524
უცხოეთი
უკრაინულმა დრონებმა კრასნოდარის მხარეზე და ადიღეზე იერიშები მიიტანეს
რუსეთის კრასნოდარი მხარეზე უკრაინული დრონების იერიშის შედეგად 13 კერძო სახლი იყო დაზიანებული. არავინ დაშავებულა. ამის შესახებ ადგილობრივი ხელისუფლება იუწყება. ინფორმაციას Deutche Welle ავრცელებს.
კრასნოდარის მხარის ოპერატიული შტაბის ცნობით, კუშევსკაიას დასახლებაში ორი საცხოვრებელი სახლი და გაზის მილი დაზიანდა. კრასნოდარის შემოგარენში 13 სახლში მინები ჩაიმსხვრა.
ადიღეში იერიში მაიკოპის მახლობლად მდებარე სამხედრო აეროდრომზე განხორციელდა. ადგილობრივი მოსახლეობის ცნობით, აეროდრომის მხრიდან აფეთქებების ხმები ისმოდა. მიადგა თუ არა აეროდრომს ზიანი, ამ დროისთვის უცნობია.
