„დონეცკის ოლქში, ქალაქ პოკროვსკში რუსული ძალები მობილიზებას აგრძელებენ. მტრის სროლა ქალაქში განუწყვეტლივ მიმდინარეობს“, - ამის შესახებ უკრაინულ ანალიტიკური პროექტი DeepState იტყობინება. 

როგორც პროექტი DeepState-ს ანალიტიკოსები აცხადებენ, რუსები უკვე აკონტროლებენ პოკროვსკის ტერიტორიას და პოზიციებს იმყარებენ. 

DeepState-ის ანალიტიკოსებმა დასძინეს, რომ მტერი ასევე ცდილობს პოკროვსკისა და გრიშინოს შორის არსებულ ტერიტორიაზე კონტროლის დამყარებას.

„ამავდროულად ცდილობენ გრიშინოში შეღწევას“, - აცხადებენ ანალიტიკოსები. 

მათივე ინფორმაციით, უკრაინის სპეციალური დანიშნულების რაზმები აქტიურად ატარებენ „გაწმენდით ოპერაციებს“.

DeepState-ის ცნობით, ქალაქში სიტუაცია კრიტიკულია.

ცნობისთვის, რამდენიმე დღეა, რუსული მედია ავრცელებს ინფორმაციას, რომლის თანახმადაც, რუსულმა ძალებმა უკრაინის ქალაქი პოკროვსკი დაიკავეს, უკრაინელი ჯარისკაცები კი ტყვედ აიყვანეს. ინფორმაციას უკრაინული მხარე უარყოფს.