უკრაინის შეიარაღებული ძალების მთავარსარდალმა მიხაილ დრაპატიმ განაცხადა, რომ ნატოს სამხედრო კომიტეტი ოქტომბერში უკრაინას ეწვევა. ამის შესახებ მან ნატოს სამხედრო კომიტეტის ხელმძღვანელთან, ადმირალ ჯუზეპე კავო დრაგონესთან საუბრის შემდეგ განაცხადა.

საუბრის დროს დრაპატიმ მადლობა გადაუხადა დრაგონეს „პირადი პოზიციისა და ალიანსის უმაღლესი სამხედრო ხელმძღვანელობის დონეზე უკრაინისადმი თანმიმდევრული მხარდაჭერისთვის“.

საუბრის შემდეგ დრაპატიმ აღნიშნა, რომ უკრაინა ოქტომბერში ნატოს სამხედრო კომიტეტის ვიზიტს ელის. მან ხაზგასმით აღნიშნა, რომ ბოლო ასეთი ვიზიტი რვა წლის წინ შედგა.

„ადმირალი სამჯერ გვესტუმრა, ადგილზე იხილა ვითარება და ეს საუბარშიც იგრძნობა. მე მას ფრონტზე არსებული მდგომარეობისა და ჩვენი პრიორიტეტების შესახებ მივაწოდე ინფორმაცია - შორ მანძილზე დარტყმები, ქვეითთა მოქნილი ტაქტიკა, ფრონტის ხაზის რობოტიზაცია“, - აღნიშნა უკრაინის შეიარაღებული ძალების მთავარსარდალმა.

მათ ასევე განიხილეს უკრაინის საჰაერო თავდაცვის საკითხები.