1720279653
უცხოეთი
უკრაინაში ავტოავარიას 14 ადამიანი ემსხვერპლა, მათ შორის ერთი ბავშვი - მედია
უკრაინაში, რივნეს ოლქში, ავტოავარიის შედეგად 14 ადამიანი დაიღუპა, მათ შორის 6 წლის ბავშვი. ერთი ქალი კი გადარჩა. ინფორმაციას ადგილობრივი მედია ავრცელებს.
არსებული ინფორმაციით, ერთმანეთს მიკროავტობუსი და სატვირთო მანქანა შეეჯახნენ.
„საშინელი ავტოსაგზაო შემთხვევა რივნეს ოლქში. სატვირთო მანქანა მიკროავტობუსს შეეჯახა. დაიღუპა 14 ადამიანი, მათ შორის 6 წლის ბავშვი. ერთი ქალი გადარჩა, ექიმები მის გადასარჩენად იბრძვიან.
ადგილზე მაშველები და პოლიცია მუშაობს. სამძებრო სამუშაოები გრძელდება. გამომძიებლები დოკუმენტურად აღწერენ მომხდარს და დაადგენენ ავტოსაგზაო შემთხვევის გარემოებებს“, - წერს შინაგან საქმეთა სამინისტროს უფროსი იგორ კლიმენკო Telegram-ში.
