1756541219
უცხოეთი
უკრაინამ კრასნოდარის მხარესა და სამარის ოლქში ნავთობგადამამუშავებელ ქარხნებს შეუტია - უკრაინის გენშტაბი
30 აგვისტოს ღამეს, თავდაცვის ძალებმა დრონების გამოყენებით იერიში მიიტანეს კრასნოდარისა და სამარის მხარეში ნავთობგადამამუშავებელ ქარხნებზე, - აღნიშნულის შესახებ ინფორმაციას უკრაინის გენერალური შტაბი ავრცელებს.
როგორც განცხადებაშია აღნიშნული, „უკრაინელი სამხედროები მუშაობენ მტრის შეტევითი პოტენციალის შემცირებისა და ოკუპანტების სამხედრო ნაწილებისთვის საწვავის მიწოდების გართულებისთვის“.
გენერალური შტაბის მონაცემებით, კრასნოდარის ნავთობგადამამუშავებელი ქარხანა წელიწადში 3 მილიონი ტონა მსუბუქ ნავთობპროდუქტებს - ბენზინს, დიზელს, საავიაციო საწვავს აწარმოებს. ის რუსეთის ფედერაციის შეიარაღებული ძალებს ამარაგებს.
უკრაინელების მიერ დრონების შედეგად მიყენებული ზიანის შედეგები ჯერ კიდევ უცნობია.
