პოლონეთის პრემიერ-მინისტრმა დონალდ ტუსკმა განაცხადა, რომ აშშ-ის ტარიფები შესაძლოა, ქვეყანას მთლიანი შიდა პროდუქტის 0,4%, ან დაახლოებით 2,6 მილიარდი დოლარი დაუჯდეს. ამის შესახებ მან სოციალურ ქსელ X-ში დაწერა. 

ტუსკის თქმით, წინასწარი და „ყველაზე მოკრძალებული შეფასებით“, პოლონეთის ზარალი აშშ-ის პრეზიდენტის დონალდ ტრამპის ასეთი გადაწყვეტილებით შეიძლება 10 მილიარდ ზლოტს (დაახლოებით 2,6 მილიარდ დოლარს) აღემატებოდეს.

„ეს არის მძიმე და უსიამოვნო დარტყმა ჩვენი უახლოესი მოკავშირის მხრიდან, მაგრამ ჩვენ ამას გავუძლებთ. ჩვენმა მეგობრობამაც უნდა გაუძლოს ამ გამოცდას“, - დაწერა პოლონეთის პრემიერმა.

შეგახსენებთ, დონალდ ტრამპის მიერ სხვადასხვა ქვეყნისთვის დაწესებული ტარიფები 10%-იდან 49%-მდეა. ტრამპმა ევროკავშირს - 20%-იანი და დიდ ბრიტანეთს 10%-იანი ტარიფები დაუწესა.

Według wstępnej oceny nowe amerykańskie cła mogą zmniejszyć polski PKB o 0,4 proc., czyli w ostrożnym uproszczeniu straty przekroczą 10 miliardów złotych. Cios dotkliwy i przykry, bo od najbliższego sojusznika, ale go przetrzymamy. Nasza przyjaźń🇵🇱🇺🇸też musi przetrwać tę próbę.

— Donald Tusk (@donaldtusk) April 3, 2025