თურქეთის სამხრეთ-აღმოსავლეთით, სასოფლო-სამეურნეო მინდვრებში ხანძრის შედეგად დაღუპულთა რაოდენობა 11-მდე გაიზარდა, 70-ზე მეტი ადამიანი კი დაშავდა. ამის შესახებ ინფორმაციას Deutsche Welle თურქეთის ჯანდაცვის მინისტრის განცხადებაზე დაყრდნობით ავრცელებს.

„ხანძრის შედეგად 11 ადამიანი დაიღუპა, 78 კი დაშავდა. ჩვენს კლინიკებში ამჟამად 6 პაციენტი მკურნალობს“, - განაცხადა თურქეთის ჯანდაცვის მინისტრმა.

ხანძარი დიარბაქირის პროვინციაში სასოფლო-სამეურნეო ტერიტორიაზე გაჩნდა და ძლიერი ქარის გამო მეზობელ მარდინის პროვინციაში გავრცელდა. თურქეთის შინაგან საქმეთა მინისტრმა განაცხადა, რომ მეხანძრე-მაშველებმა ცეცხლის გავრცელება შეაჩერეს, თუმცა შესაბამისი ღონისძიებები კვლავ გრძელდება. ხანძრის გამომწვევი მიზეზი უცნობია.

Diyarbakır’ın Çınar ilçesinin Köksalan mahallesi ve Yazçiçeği köyü ile Mardin’in Mazıdağı ilçesi Yücebağ ve Yetkinler köyünde dün akşam meydana gelen yangın sebebi ile 11 kişi hayatını kaybetti, 78 kişi yangından etkilendi. Hayatını kaybedenlere Allah’tan rahmet diliyorum,…

— Dr. Fahrettin Koca (@drfahrettinkoca) June 21, 2024