თურქეთმა ისრაელის პრემიერ-მინისტრისა და სხვა ოფიციალური პირების დაპატიმრების ორდერი გასცა
სტამბოლის გენერალურმა პროკურატურამ ღაზას სექტორში ჩადენილი „გენოციდის“ და „კაცობრიობის წინააღმდეგ ჩადენილი დანაშაულების“ ბრალდებით 37 ისრაელელი მაღალჩინოსნის, მათ შორის ისრაელის პრემიერ-მინისტრის ბენიამინ ნეთანიაჰუს დაპატიმრების ორდერი გასცა, იტყობინება თურქეთის სახელმწიფო სააგენტო Anadolu.
როგორც პროკურატურამ ჟურნალისტებს განუცხადა, დაპატიმრების ორდერები გაიცა შემდეგი ისრაელელი თანამდებობის პირებისთვის:
პრემიერ-მინისტრი ბენიამინ ნეთანიაჰუ;
თავდაცვის მინისტრი ისრაელ კაცი;
ეროვნული უსაფრთხოების მინისტრი იტამარ ბენ-გვირი;
ისრაელის თავდაცვის ძალების გენერალური შტაბის უფროსი, გენერალ-ლეიტენანტი ეიალ ზამირი;
საზღვაო ძალების მეთაური, ვიცე-ადმირალი დევიდ საარ სალამა და სხვები.
ისრაელის მხრიდან ამ გადაწყვეტილებაზე ოფიციალური განცხადება ჯერ არ გაკეთებულა.
