თურქეთის თავდაცვის სამინისტრომ განაცხადა, რომ 18 აგვისტოს ისრაელის მიერ განხორციელებულ დარტყმებამდე სირიის აბუ ალ-დუჰურის ავიაბაზაზე თურქეთის სამხედრო დელეგაცია არ იმყოფებოდა.

„ჩვენ ვაცხადებთ, რომ თურქეთის სამხედრო დელეგაცია არ იმყოფებოდა სირიის [აბუ ალ-დუჰურის] ავიაბაზაზე  ისრაელის მიერ ბაზაზე განხორციელებული თავდასხმის დროს, ან მანამდე“, - განაცხადა თურქეთის თავდაცვის სამინისტროს წარმომადგენელმა.

„სირიისა და რეგიონის მშვიდობისა და სტაბილურობისთვის აუცილებელია, რომ ისრაელმა შეწყვიტოს ეს უგუნური თავდასხმები და დაიცვას საერთაშორისო სამართლის მოთხოვნები“, - დასძინა პრესსპიკერმა.

ისრაელის პრემიერ-მინისტრის ბენიამინ ნეთანიაჰუს ადმინისტრაციამ განაცხადა, რომ სირია „უსაფრთხოების საკითხებში ისრაელთან შეთანხმებული სტატუს-კვოს“ დარღვევის ზღვარზე იმყოფება, რადგან თურქეთის ჯარებს ავიაბაზაზე განლაგების უფლება მისცა. თავად ნეთანიაჰუმ მოგვიანებით განაცხადა, რომ ისრაელმა დარტყმამდე თურქეთი გააფრთხილა, რომ სირიაში ნებისმიერი სამხედრო აქტივობისგან თავი შეეკავებინა. 

თურქეთის ხელმძღვანელობამ ისრაელის ბრალდებებს „უსაფუძვლო“ უწოდა.

თუმცა სირიის ოფიციალურმა პირებმა აღიარეს, რომ თურქეთის ოფიციალური პირები ავიაბაზას ისრაელის დარტყმებამდე ერთი დღით ადრე ეწვივნენ, თუმცა უარყვეს, რომ თურქეთის სამხედროების განლაგების გეგმები არსებობდა.