თურქეთმა ისრაელთან სავაჭრო ურთიერთობები შეწყვიტა და თურქულ ხომალდებს ისრაელის პორტებში შესვლა აუკრძალა, დახურა საჰაერო სივრცეც
თურქეთმა ისრაელთან ყველანაირი სავაჭრო ურთიერთობა გაწყვიტა და ისრაელის თვითმფრინავებისთვის საჰაერო სივრცე დახურა, ასევე, თურქულ ხომალდებს ისრაელის პორტებში შესვლა აუკრძალა - ამის შესახებ თურქეთის საგარეო საქმეთა მინისტრმა ჰაკან ფიდანმა პარლამენტის რიგგარეშე სხდომაზე განაცხადა.
„თურქეთმა შეწყვიტა ისრაელთან ყველა სახის ვაჭრობა, არ უშვებს თურქულ გემებს ისრაელის პორტებში შესვლას და დახურა თავისი საჰაერო სივრცე ისრაელის თვითმფრინავებისთვის“, - აღნიშნა ფიდანმა.
თურქეთის საგარეო საქმეთა სამინისტროს ხელმძღვანელის განცხადებით, ისრაელის მიმდინარე თავდასხმები ღაზასა და მთელ პალესტინაში, თუ ისინი არ შეჩერდება, მთელ რეგიონს კონფლიქტში ჩაითრევს.
„ბოლო ორი წლის განმავლობაში ღაზაში გენოციდს სჩადის და მსოფლიოს თვალწინ უგულებელყოფს ძირითად ჰუმანიტარულ ღირებულებებს“, - დასძინა თურქეთის საგარეო საქმეთა მინისტრმა.
