თურქეთის პრეზიდენტ რეჯეფ თაიფ ერდოღანსა და უკრაინის პრეზიდენტ ვოლოდიმირ ზელენსკის შორის სატელეფონო კავშირი შედგა. ამის შესახებ ინფორმაცია თურქეთის პრეზიდენტის ადმინისტრაციამ სოციალური ქსელით გაავრცელა. 

სატელეფონო საუბრისას ლიდერებმა თურქეთ-უკრაინის ორმხრივი ურთიერთობები, უკრაინა-რუსეთის სამშვიდობო პროცესი, ასევე, რეგიონული და გლობალური საკითხები განიხილეს.

„თურქეთი ყურადღებით აკვირდებოდა ალასკასა და ვაშინგტონში გამართულ მოლაპარაკებებს და აგრძელებს ძალისხმევას, რომ ომი სტაბილური მშვიდობით დასრულდეს“, - წერს თურქეთის პრეზიდენტის ადმინისტრაცია. მათი თქმით, ერდოღანი აცხადებს რომ უკრაინა-რუსეთის ომში სამართლიანი მშვიდობა შესაძლებელია და დასძენს, რომ მხარეებს შორის მოლაპარაკებები ინტენსიურად უნდა გაგრძელდეს.

თურქული მხარის ინფორმაციით, რეჯეფ თაიფ ერდოღანმა მზადყოფნა გამოთქვა, გააკეთოს ყველაფერი მაღალი დონის შეხვედრების რეალიზაციისთვის, რაც მშვიდობისკენ გზას გახსნის.

President @RTErdogan spoke by phone with President Volodymyr Zelenskyy of Ukraine.

The call addressed the Türkiye-Ukraine bilateral relations, the Ukraine-Russia peace process as well as regional and global issues.

Stating that they closely followed the talks in Alaska and…

— Presidency of the Republic of Türkiye (@trpresidency) August 28, 2025