ბერლინის სამხრეთ-დასავლეთ ნაწილში მომხდარი მასშტაბური გათიშვიდან თითქმის სამი თვის შემდეგ, ქალაქში ელექტროენერგიის კიდევ ერთი მასშტაბური გათიშვა მოხდა. ამის შესახებ Spiegel-ი იტყობინება. 

ელექტროენერგია რამდენიმე რაიონში 18 აპრილს, დაახლოებით 22:00 საათზე გაითიშა და 1314 მოსახლეს შეეხო. 

როგორც გერმანული მედია იტყობინება, ელექტროენერგიის სრულად აღდგენა დაახლოებით 23:35 საათზე დაიწყო. გათიშვის მიზეზი უცნობია.

„ბლექაუთის“ დროს პოლიციამ გააძლიერა პატრულირება ტერიტორიაზე, რათა უზრუნველყოფილიყო მოსახლეობის უსაფრთხოება და დროულად მოეხდინა რეაგირება ნებისმიერ პოტენციურ საფრთხეზე. 

ინფორმაციისთვის, 2026 წლის იანვარში, ბერლინის სამხრეთ-დასავლეთში ელექტროენერგიის მასშტაბური გათიშვა მოხდა, რაც სავარაუდოდ, კრიტიკულ ინფრასტრუქტურაზე განზრახ ცეცხლის გაჩენით იყო გამოწვეული. 

ათიათასობით ადამიანი ელექტროენერგიის გარეშე დარჩა და გათიშვა რამდენიმე დღის განმავლობაში გაგრძელდა.