უკრაინის დელეგაცია დღეს, 5 დეკემბერს, კვლავ შეხვდება ამერიკელ ოფიციალურ პირებს სამშვიდობო გეგმასთან დაკავშირებით. ამის შესახებ უკრაინული მედია წყაროებსა და DW-ის კორესპონდენტ მიხაილ კომადოვსკის სოციალურ ქსელში გამოქვეყნებულ ცნობებზე დაყრდნობით იუწყება. 

RBC-Ukraine-ის წყაროების ცნობით, უკრაინის ეროვნული უსაფრთხოებისა და თავდაცვის საბჭოს მდივანი რუსტემ უმეროვი და უკრაინის შეიარაღებული ძალების გენერალური შტაბის უფროსი ანდრეი გნატოვი მაიამიში აშშ-ის პრეზიდენტის წარმომადგენელ სტივ უიტკოფს და აშშ-ის პრეზიდენტის სიძეს ჯარედ კუშნერს შეხვდებიან.

შესაბამის ინფორმაციას DW-ის კორესპონდენტიც ადასტურებს.

„გუშინ ღამით გამართული კონსტრუქციული დისკუსიების შემდეგ დელეგაცია დღეს მაიამიში მუშაობას განაახლებს. პრეზიდენტი განიხილავს მათ ანგარიშს და გადაწყვეტს შემდეგ ნაბიჯებს“, - განუცხადა კომადოვსკის უკრაინელმა ოფიციალურმა პირმა ანონიმურად.

Umerov and Hnatov are continuing talks with U.S. representatives in Florida. “After constructive discussions last night, the delegation resumes work today in Miami. The President will review their report and decide next steps," says Ukrainian official.

— Misha Komadovsky (@komadovsky) December 5, 2025